ಕಪಟ

ಖಾದಿ, ಕಾವಿಯ ತೊಟ್ಟು
ಖಾಕಿಯ ಕೈಯಲಿ ಹಿಡಿದು
ಕಡಿಯುವರು ಕುರಿಯಂತೆ
ನನ್ನ ಬಂಧುಗಳಾ ಗುಣವಾ
ಹಾರವಾ ಧರಿಸಿ ಪೂಜಿಸಿದಂತೆ,
                     ದೆವ್ವ ದೇವರು ಎನುತಾ
                     ನರರ ಬುರುಡೆಯ ಹಿಡಿದು
                     ನಿಂಬೆಯ ಹಣ್ಣಿನಲಿ ಭಯವಿಟ್ಟು
                     ಬರಿದ ಮಾಡ್ವರು ಕಿಸೆಯ
ಸತ್ಯ ಸುಳ್ಳುಗಳೆನುತ
ಎದೆಗೆ ಚಿನ್ನದಾ ಬರೆಯಿಟ್ಟು
ದೋಚಿದರು ಎಲ್ಲವನು
ನೋಯಿಸಿ ಬರೆಸುವರು ಅಳುವಾ
ವಸ್ತ್ರದೊಳು ಕಾವನಿಟ್ಟು
                    ಕೊಡೆಯಿಡಿವರು ಮಳೆಗೆ
                    ದಡವು ನೆತ್ತಿಗೆ ತಾಕುವಂತೆ
                    ಕೈಯಿಡುವರು ತಲೆಗೆ
                    ಒದ್ದೆಯ ಒರೆಸುವಂತೆ
                    ಕಾಣ್ವರು ಎಲ್ಲಾ ಬೆಳ್ಳನೆ

ಪ್ರದೀಪ್.ಹೆಚ್.ಡಿ, ಹಾಸನ